Traditional and E-Learning

- كان يا مكان من قديم الزمان بدأنا الـE-learning 

= ستوب يا ابني إيه دا؟! هو إيه اللي زمان و 

E-learning 

كيف يعني؟

- وه.. أنت متعرفش إن الـE-learning  بادئ من سنة 1728  

= هو مش الـE-learning دا هو الباور بوينت اللي بينزلنا من غير صوت عشان نذاك.....

- ششششش هتودينا في داهية .... هو آه و لأ ..  آه دا نوع من أنواع الـE-learning 

بس مش كدا بس

طب إيه هو الـE-learning، هو إننا نستخدم التكنولوجيا على نظام التعليم وتهدف المؤسسات الأكاديمية إنها تطبق التعليم الإلكتروني في التعلم عن بعد. 

 E- learning Vs traditional learning 

نقدر نعرض أوجه الإختلاف بين الـe-learning و الـtraditional learning  في شوية أوجه مقارنة : 

 أسلوب التعليم المستخدم 

  فمثلا: الـ E -learning 

بيوظف الإنترنت و الإلكترونيات الحديثة من صفحات ويب و أبلكيشنز وحاجات كتير بهدف تسهيل وصول المعلومة وتسهيل التواصل بين المحاضِر والمحَاضَر، 

بينما الـtraditional learning   بيعتد just  على الكتب

إمكانية التحديث  عندك الـe - learning تقدر تحدث المعلومات فيه بسهولة بعد النشر وتعمله update أول  بأول  

لكن الـtraditional learning بمجرد إن الكتاب تم توزيعه أو إن المحاضرة تم إلقاؤها فمفيش أي إمكانية للتعديل

 الإتاحة او الـavailability 

ال e - learning  متاح في أي مكان أو اي زمان فكل اللي عليك إنك هتفتح الإنترنت وتسيرش عن التوبيك اللي إنت محتاجه، بينما الـtraditional learning  ليه وقت محدد و جداول بتنظمه  و أماكن يقام فيها

طرق التعليم الإلكتروني: سؤال راود كتير من العلماء وسعى كتير منهم لتصنيف التعليم الإلكتروني للعديد من الفئات و الأصناف.... هنتكلم عن أهمها مع بعض  

التعلم الإلكتروني المدار بالحاسوب  طريقة بتسمح للطلاب بالوصول و استخدام قاعدة بيانات مجودة و مخزنة في أي وقت و أي مكان

التعلم الإلكتروني بمساعدة الحاسوب بنستخدم فيه كتير من الوسائط المرئية و المسموعة بهدف إن التجربة التعليمية تكون تفاعلية أكتر للطلاب و ده استخدام الحاسوب فيه مقتصر على توصيل الطالب بالموقع المتخصص بنظم التعليم الاليكتروني و بيتوفر فيه : مجموعة من الأدوات المتكاملة ،توفر آلية التسليم ، وتتبع الطلاب ، والتقييم ، والوصول إلى الموارد التي تتيح للطلاب رؤية أدوات التعلم والتفاعل معها عبر متصفحات الويب باستخدام أي نظام تشغيل أو كمبيوتر أو جهاز محمول. و النوع ده بنشوفه فمواقع كتير ( Moodle, Chamilo and Open edx)

التعليم الإلكتروني المتزامن  بيعتمد على وسائط المحادثات و برامج مكالمات الفيديو اللي بيسمح بتبادل المعلومات بين مجموعة كبيرة من الأشخاص الموجودين في أماكن متفرقة في نفس الوقت و ده يعتبر حاليًا الخيار المفضل عند الطلاب و المعلمين بسبب توفيره للوقت. فيه امثلة كتير لابلكيشنز اعتمادها الاساسي على النوع ده (Zoom, Skype and Microsoft teams)

التعليم الإلكتروني غير المتزامن و ده فيه خاصية جديدة عن النوع السابق و هي تسجيل و تخزين المادة العلمية و حفظها و بيتميز بقدرته على استيعاب عدد كبير من الطلاب من غير الحاجة لوجودهم مع بعض في نفس الوقت و يعتبر اختيار مناسب للطلاب اللي بيفضلوا عمل خطة زمنية مناسبة بشكل فردي. و ده زي مواقع كتير بتيح اننا نحفظ عليها المادة العلمية و بكميات كبيرة جدا على سبيل المثال (Camtasia, Loom and Google Drive) 

التعلم الإلكتروني غير المرن  و دي الطريقة المعتادة من زمان جدا و تفتقر للمرونة المطلوبة و المحورية لإستيعاب تفضيلات و قدرات الطلاب

التعلم الالكتروني المرن أو التكيفي  بيتميز بإنه بياخد في الإعتبار العديد من المعايير المتمحورة حول الطالب زي قدرات التحصيل و الأهداف و الطبيعة الشخصية.. علشان في النهاية توصل  لتجربة تعليمية مميزة و مناسبة لكل طالب، وده بنعتبره  مجال جديد و واعد جدًا . 

منصات المرضى الافتراضية 

دي برامج  متبرمجة انها تعرض للطالب مجموعة سيناريوهات لمرضى افتراضيين. في أي من السيناريوهات ، قد يضطر الطلاب إلى البحث عن البيانات و تفسيرها واتخاذ القرارات السليمة و المناسبة أو حل مشكلة هذا المريض. و طبعا ده مفيد جدا لطلبة المجال الطبي عامة و لينا كأطباء بشري خاصة عشان تقدر تخوض تجربة سرد الحالة و الأعراض و تقدر تكتسب خبرة تساعدك فشغلك في الحياة العملية. و دي انتشرت فبرامج كتير الاونة الأخيرة (Insimu, MedicActiv and SimMon)

 E _ assessment 

يعتبر أكبر تحدي و أكتر حاجه بتقلق تجاه نظام التعليم الإلكتروني هو التقييم.. إزاي هنقيم أداء الطلاب... فيه طريقتين للتقييم

 Formative and summative

 Formative assessment:  

و ده عبارة عن نظام تقييم يحدث أثناء الدورة التعليمية ويحدد الفجوات والصعوبات التي يواجهها المتعلم بحيث ان كل طالب يستفاد و يحدد النقط اللي لازم يرجع يركز عليها تاني

 Summative assessment :

و ده عبارة عن نظام تقييم يحدث في نهاية الفصل الدراسي أو الدورة

الغريب ان أول ما بتسمع إن الإمتحان أونلاين هوبااااا بيجي في بالك سيناريوهات مختلفة للغش، طب إيه رأيك إني جاي أبوظهالك؟ 

فيه مجموعة من الخطوات اللي بتتعمل بيتم بيها حماية الامتحان والممتحن في نفس الوقت 

 تغيير تتابع الأسئلة والإجابات بمعنى ممكن اتنين يدخلوا يمتحنوا على نفس الموقع بس ترتيب الأسئلة يختلف

حاجة اسمها(locked quiz mode) وديه أول ما بتبدأ الإمتحان كأنك اتحبست يا معلم مينفعش تطلع إلا لما تخلص الإمتحان الأول 

ديه بقى حاجة إختراع كده  online ID) (authentication وديه بقى اول ما بتدخل الإمتحان بتتفتح الكاميرا تلقائي  عشان يتم التأكد اذا كان الطالب اللي بيمتحن ولا ماما اللي بتحلله الإمتحان زي الواجب كده

حماية الموقع اللي هيتم عليه الإمتحان من أي محاولات قرصنة وسرقة وتسريب لأسئلة الإختبار يعني مش هتعرف تعمل نسخ ولصق للأسئلة

 طبعا بعد ده كله هيجي في بالك طب عادي ما أنا هبقى قاعد بتليفون تاني وجوجل وهغش برضه خد ديه بقى( proctoring ) ده برنامج زي المراقب كده بيقف عليك من وقت ما بتبدأ الامتحان وأي حركة مش مظبوطة بيقفلك امتحانك وبيلغيه 

#Revolution_towards_evolution

#Better_education_better_health

#Today_a_student_tomorrow_a_doctor